 Државната изборна комисија поради неправилности го поништи гласањето во 68 избирачки места во изборните единици еден, два и шест. Како што соопшти портпаролот на ДИК Зоран Таневски, Комисијата врз основа на приговорите од ДПА го поништи гласањето во 13 избирачки места и тоа во: 2133 во општина Јегуновце, 821 и 829 во општината Зајас, 502 во Гостивар, 785, 790, 791, 792, 793 и 796 во Осломеј, 1101 во Куманово, 2473 во Чучер Сандево и 2890 во Чаир.
Врз основа на приговорите поднесени од коалицијата ВМРО-ДПМНЕ беше поништено гласањето во 48 избирачки места. Во општина Чаир во шест избирачки места (2884, 2885, 2886, 2887, 2888 и 2889), во Липково во 19 избирачки места (1105, 1106, од 1108 до 1121, во 1124, 1125 и во 1129). Прегласување ќе има и во 19 избирачки места во Тетово (1938, 1939, 1940, 1953, од 1985 до 1996, во 2000, 2001 и во 2002, во Боговиње во две избирачки места (2067 и 2068) и исто толку во Зајас (821 и 828). ДИК го почна разгледувањето на приговорите поднесени од ДУИ. Врз основа на доказите беше поништено гласањето во избирачкото место 2125 во општина Јегуновце и во шест избирачки места во општината Врапчиште. Седницата беше прекината во два часот по полноќ. Продолжението е закажано за денеска во 11 часот. Доколку подносителите на приговорите не се задоволни од решението на Државната изборна комисија имаат право на жалба до Врховниот суд на Република Македонија во рок од 48 часа од приемот на решението. Претходно, по сила на закон, поради прекин на гласањето што траело подолго од три часа, беше поништено гласањето во 25 избирачки места, од кои шест во општината Сарај во изборната единица еден. Во Изборната единица број два беше поништено гласањето во 11 избирачки места и тоа во општите Чучер Сандево, Арачиново и Куманово. Во изборната единица број шест беше поништено гласањето во осум избирачки места: во Дебар, Желино, Брвеница и во Гостивар.
|
Четворица луѓе загинаа кога мал авион се урна денеска околу пладне во близина на селото Скре...
