 Нов земјотрес ја погоди вчера кинеската провинција Сечуан каде до вчера беа избројани околу 12.000 жртви по првиот земјотрес кој уништи и над 80 отсто од сите објекти. Билансот на загинатите во земјотресот со јачина од 7,8 степени според Рихтеровата скала, што завчера го погоди југозападниот дел на Кина достигна околу 12 илјади лица, соопштија вчера претставници на кинеската Влада. "Досега билансот на загинатите достигна 11.921 лице", изјави раководителот на одделот за справување со природни несреќи при Министерството за цивилни прашања. Силен вторичен потрес со интензитет од 6,1 по Рихтер го погоди вчера градот Ченду, главен град на југозападната кинеска провинција Сечуан, јави Синхуа. Земјотресот предизвика паника и илјадници жители на градот одново излегоа на улиците, пренесува МИА. Според многумина од нив, тој потрес е најсилниот досега по завчерашниот со магнитуда од 7,8 степени.
Според Бирото за сеизмологија во Сечуан, по првиот земјотрес чиј епицентар е лоциран на 92 километри од престолнината на Сечуан, уследиле уште 313 мали земјотреси. Над 80 проценти од сите објекти во провинцијата се разурнати. Болницата во градот е разурната, а прекинати се телекомуникациски и електроенергетски врски. Сите видови индустриски претпријатија, засегнати од несреќата, најмногу рудниците за јаглен, хемиските фабрики и наоѓалиштата на природен гас, ја прекинаа работата. Земјотресот е еден од најсилните што ја погодиле Кина во последните децении. Во провинцијата во моментов има пет илјади војници, кои се вклучени во спасувачките операции. Земјотресот веројатно ќе има ограничено влијание врз економијата на Кина, што се развива со брзо темпо, прогнозират економските аналитичари.
|
Четворица луѓе загинаа кога мал авион се урна денеска околу пладне во близина на селото Скре...
