 Во Солун, на железничка станица, неодамна е поставен споменик на Александар Македонски. И ова според Грците не е никаква провокација во спорот со името меѓу Атина и Скопје. За Грците не е прифатлив предлогот Нова Македонија, покажало истражувањето на компанијата РАСС чии резултати се објавени во весникот Парон. Дури 62 отсто од Грците го отфрлиле ова име како неприфатливо. Но, за Грците е неприфатлив ниту еден предлог што го содржи зборот Македонија. Осумдесет и еден отсто од Грците ги отфрлаат предлозите кои содржат Македонија. Според 89,2 од учесниците во анкетата, поддршката на Скопје од страна на Турција, изразена од претседателот Абдула Ѓул, е непријателско дејство. Според 75,5 отсто од анкетираните, непопустливата позиција на Скопје во однос на спорот со Атина за името е потврда на иредентистичките намери на Македонците.
Грчкиот весник Навтемборики пак ја цитира изјавата на македонскиот претседател Бранко Црвенковски дека Грција го користи фактот што во Македонија беа распишани предвремени избори за да го успори процесот на преговори за решавање на спорот со името. Според Црвенковски, коментира весникот, времето работи за Атина. На тој начин не се задоволуваат интересите и обидите ниту на САД, ниту пак на било кој друг за наоѓање на заемно прифатливо решение за проблемот со името во скоро време. Во меѓувреме Грците продолжуваат со присвојување на Александар Македонски или како што тие го пишуваат Александар Велики. Иако бурно реагираа кога аеродромот во Скопје беше преименуван во Александар Македонски, сметајќи дека тоа е провокација, тие го предложија Александар Македонски за најголем Грк. Во кампањата за избор на најголемиот Грк на сите времиња се најдоа Александар Велики, Андреас Папандреу, Аристотел, Аристофан, Архиепископ Христодулос, Архимед, Бубулина, Дионисиос Соломос, Евклид, Еврипид, Елевтериос Венизелос, Есхил, Јоанис Макријанис. Иницијативата е на грчкото радио Скај и на Би Би Си, со спонзорство на Националната банка на Грција. Иницијативата "Големите Грци" вклучува три етапи. Во првата Грците, од Грција и од странство, требаше да дадат пет предлози за големите Грци, врз основа на кој е изготвен списокот на 100-те најголеми Грци. Во втората етапа на кампањата во пресрет на 2009 година ќе бидат направени два двочасовни документарни филма за сите 100 избрани досега, по што ќе бидат претставени со одделени филмови првите десет. Во Солун пак на самата железничка станица неодамна е поставен споменик на Александар Македонски. И ова според Грците не е никаква провокација во спорот со името меѓу Атина и Скопје.
|
Четворица луѓе загинаа кога мал авион се урна денеска околу пладне во близина на селото Скре...
