Забраната за хранење на гулаби на повеќето плоштади во Венеција, воведена уште во 1997 година, од денеска стапи на сила и на најпознатиот плоштад Свети Марко. Градските власти предвидоа строги казни за кршителите на забраната. Секој што ќе ги храни гулабите или ќе остави храна на достапно место ќе мора да плати казна од 25 до 500 евра. Истовремено од плоштадот Свети Марко ќе бидат отстранети тезгите на кои досега се продаваше пченка за гулабите.

Продавачите на пченка се принудени да ја прекинат својата работа, а Венеција им вети исплата на отштета.

Забраната за хранење на гулабите треба да предизвика намалување на бројот на овие птици, бидејќи тие претставуваат опасност за здравјето на луѓето и предизвикуваат штети на бројните културно-историски споменици на Венеција.

Туристите се чудат зошто Венеција од една страна не ги сака гулабите, а од друга ги продава како една од знаменитостите на градот на канали.

Коментари

Додади ново Пребарај

Напиши коментар
Име:
Email:	do not Notify:notify:
Website:
Наслов:
UBB Код:	-боја-плавацрнасивафуксијасивозеленалимонкостенливтемно-синмаслинестпурпуренцрвенсребренаголемибелжолт -големина-ситнималисреденголемогромен