Дома  Вести Колку можете да штедите
|
|
Колку можете да штедите |
|
 На светскиот Ден на штедењето деловните банки во Македонија објавија дека штедните влогови на граѓаните и компаниите достигнаа над две милијарди евра, но просечните граѓани велат дека со сегашниот стандард тешко остануваат пари за заштеда.
Според податоците на Државниот завод за статистика, во Македонија 65% од работоспособното население е вработено, а просечната плата изнесува 235 евра. Што мислат граѓаните, може ли со овој стандард да се штеди?
-„Во Македонија да се штеди? Ха, ха,`големите` можат да штедат, ама овие што се другите не знам дали им достигаат и за исхрана."
-„Да се штеди? Со кои пари ќе штедиме? Пари нема да живееме, не да штедиме. Со 5000 и 4000 денари пензија не може да штеди никој, кој може да штеди?"
Ги прашавме граѓаните дали им остануваат пари за заштеда, а еве го нивниот одговор:
-„Кај мене не, не можам да заштедам, на друго место може да остануваат".
-„Слабо, остануваат ама ако работиш и друго освен работата. Во текот на месецот најмногу можат да се заштедат 50 евра, ништо повеќе. И тоа, ептен да ценкаш."
Деловните банки во Македонија објавија дека штедните влогови на граѓаните и компаниите годинава достигнаа повеќе од две милијарди евра.
Еве каков е одговорот на граѓаните на прашањето доколку имаат пари каде би ги штеделе:
-„Никаде, дома ... каде да ги штедиме на друго место? Парите од грозјето ги префрлаат во банката, од таму ги земаме и тоа е, најсигурно ни’ е дома".
-„Не сум штедач, немам ни штедна книшка".
-„Досега не сум штедел во банки оти немам пари. Јас порано десет години имав градежна фирма. Кога би имал пари би ја основал пак фирмата и би ги вложил во фирмата."
-„Јас лично се' што спечалив во Германија вложив овде, во Кавадарци. Во недвижен имот претворив преку милион марки и на своите деца им обезбедив куќи, да имаат дом."
Поранешниот министер за економија, професорот Јане Миљовски, смета дека во моментот во Македонија граѓаните го менуваат начинот на штедење:
-„Најновиот тренд во Македонија е фактички инвестирање во акции. Сега банкарското штедење не е атрактивно. Некој граѓанин ако не сака голем ризик може да земе обврзница; државната обврзница не е ризична а е поисплатлива отколку банката. Најисплатливо е, се разбира, вложување во акции каде што во последниве две години пазарот беше многу турбулентен така што годишно имаше заработувачки од по 30 - 40 %.
|
|
|
|
|
|
|
Четворица луѓе загинаа кога мал авион се урна денеска околу пладне во близина на селото Скре...
