|
 Велешката полиција сомничи инспектор од велешката Управа за јавни приходи дека сексуално малтретирал вработена во трафика. Според кривичната пријава, инспекторот П.Д. (56) на 22-ри овој месец влегол во трафиката на покана од продавачката Б.С. со чии родители инспекторот бил и куќен пријател. Откако таа на еден муштерија не му дала фискална сметка за купен производ, инспекторот почнал да ја смирува велејќи и дека нема потреба да се грижи, затоа што нема да ја пријави.
По ова П.Д. се обидел да ја заведе, допирајќи и ја раката, вратот и рамениците. И велел дека не треба да се грижи, оти тоа било почеток на нивна тајна љубовна врска. Кога Б.С. се обидела да го одврати, инспекторот ја фатил за половината, ја прилепил до него и се обидел да ја бакне, но продавачката не му дозволила. П.Д. видел дека неговиот обид е неуспешен, па и ја свиткал раката зад грбот и и се заканил да не кажува никому за тоа што се случило. Сепак, продавачката целата приказна и ја раскажала на полицијата, која против инспекторот поднесе кривична пријава за обљуба со злоупотреба на службена должност.
|
16-годишна девојка од Прилеп една година се обидува да се самоубие, скокајќи под автобусот од ...
