 Иако првично беше најавено дека Нимиц ќе се сретне и со грчкиот премиер Костас Караманлис - средба немаше. Караманлис не сакал да се меша во преговарачкиот процес. Наводно, грчкиот премиер смета дека предвремените избори во Македонија кои ќе се одржат на 1 јуни, "ги прават невозможни измените на Уставот, кои се потребни за гарантирање на можен компромис меѓу Атина и Скопје за името".
Македонија е подготвена да ги продолжи преговорите со Грција за името, но не и Грција. Грчкиот премиер Костас Караманлис вчера не го прими посредникот во спорот, Метју Нимиц. Грчките медиуми вчера објавија дека средба нема бидејќи Караманлис не сака да се меша во преговарачкиот процес. Наводно, грчкиот премиер смета дека предвремените избори во Македонија кои ќе се одржат на 1 јуни, "ги прават невозможни измените на Уставот, кои се потребни за гарантирање на можен компромис меѓу Атина и Скопје за името". Во Кабинетот на премиерот Никола Груевски вчера не сакаа да го коментираат ставот на Караманлис во однос на спорот со името. Велат, Самитот на НАТО во Букурешт беше доволен доказ за односот на грчката страна. Нимиц во четвртокот во Скопје пред заминувањето за Атина, посочи дека е посебно задоволен што и во време на избори, Владата била спремна преговорите да продолжат. Медијаторот смета дека е можно до први јули да се изнајде решение. "Не дојдов со нов предлог, но разговаравме за сите варијанти на името, вклучувајќи го и прашањето за зачувувањето на идентитетот. Нема сега да им предложам нешто на страните, одвреме-навреме предлагам нешто, а потоа едната страна кажува позитивен одговор, другата вообичаено не, но ќе дадам предлог кога ќе мислам дека ќе биде вистинско време за тоа, сега немам предлог " - рече Нимиц.
Тој изјави дека не смета дека е ставен во прашање идентитетот на луѓето од Македонија. "Доаѓам тука уште од 1994 година и оваа земја е со посебен идентитет и прекрасни луѓе. Не сметам дека прашањето на идентитетот е поврзано со прашањето на името на државата", додаде Нимиц.
За првпат државниот врв имаше одделни средби со Нимиц. Тој прво имаше средба со премиерот Никола Груевски и шефот на дипломатијата Антонио Милошоски. Потоа медијаторот се сретна со претседателот Бранко Црвенковски и со преговарачот Никола Димитров. Во Атина, Нимиц вчера побара објаснување од преговарачот Василакис и шефицата на дипломатијата Дора Бакојани за причините за одбивањето на неговиот последен предлог. Пред заминувањето за Грција, Нимиц посочи дека вистинското прашање е "како можеме да зборуваме со обете страни и да најдеме заедничка основа за решение?". Според него позициите се добро познати, се бара формулација која ќе функционира за Македонија. "Се работи за вашето име и морате да бидете задоволни со него, а и другите треба да го прифатат бидејќи тие се во соседството и ако не го прифатат, тоа нема да функционира. Тоа го знаеме од неодамнешното искуство", додаде Нимиц. За време посетата на Нимиц на Скопје, пак, Министерството за надворешни работи до грчкото конзуларно претставништво испрати протесна нота поради грчкото вето за прием на Македонија во НАТО.
Грчките медиуми вчера шпекулираа за можен компромис за името. Според "Та неа" ако добие голема поддршка на изборите и формира Влада, Никола Груевски може да направи компромис за спорот со името. Руската новинска агенција ИТАР-ТАСС, пак, објави дека целта на новата посета на Нимиц е да го сондира мислењето на двете страни, за да им предложи на следната средба во Њујорк на преговарачите на Македонија и Грција нов предлог за името. "Нафтемеборики" објавува текст под наслов "До правичен компромис по изборите". "Апогевматини" посочува дека македонскиот претседател Бранко Црвенковски одговора на предлогот за компромис. За "Етнос" во Скопје има различни позиции за проблемот, односно несогласувања меѓу Црвенковски и Груевски. Неофицијално, Владата во Атина веднаш по самитот на НАТО, усвоила стратегија според која Македонија во следните неколку месеци ќе се соочи со сериозни притисоци од страна на Грција. Така за Македонија има заострена царинска, полициска и санитарна контрола, построги процедури при издавање на грчки визи, како и блокада на евентуалниот договор на Македонија со ЕУ за либерализација на визниот режим.
|
Пожарот кај местото Коџа Чаир на планината Беласица се уште е активен и е проширен заради си...
