Во дописот што го доставиле до оваа авиокомпанија стои дека не би можеле да дозволат МАТ да лета во јуни, јули и август годинава кон грчкиот остров Крф, ако го има името "МАТ - Macedonian Airlines".

Ова не е првпат Грците да и забрануваат на МАТ да лета кон Грција или да има прелети, но досега тие реакции биле само усмено пренесувани. Ова е практично трето вето кое Грција го става кон Македонија. Претходно ни го попречи влезот во НАТО на Букуршкиот самит, а деновиве не дозволува влез на македонското јагне.

Од МАТ велат дека со ова вето грчките воздухопловни власти ги кршат сите меѓународни стандарди.
- Немаат право да ни го прават ова бидејќи ние сме приватна компанија и трпиме големи финансиски штети. Се обративме до евроамбасадорот Ерван Фуере кој се заложи за овој проблем со Грците, а ги информиравме и во Брисел во Европскиот комитет за воздушен сообраќај од каде беа изненадени - коментираат од МАТ.
Македонското Министерство за надворешни работи е информирано за случајот, од каде велат дека ќе протестираат до грчкото МНТ бидејќи очигледено е дека нема други пречки освен што им смета името на нашиот авиопревозник.

Нашата авиокомпанија деновиве на Малта стана полноправна членка на Европската асоцијација на регионални превозници (ЕРА), во која членува и грчката авиокомпанија Еџијан Ерлајнс.
Токму поради грчката хистерија околу името на нашата држава опаѓа интересот на македонските граѓани за летување во Грција. Од МАТ велат дека има сериозни барања од туристичките агенции во земјава за проширување на дестинациите за летување кон Турција, Тунис и Египет, се повеќе граѓани се преорентираат кон Јадранскиот брег, а летово ќе се отворат две нови дестинации кон Шпанија.

Коментари

Додади ново Пребарај

Напиши коментар
Име:
Email:	do not Notify:notify:
Website:
Наслов:
UBB Код:	-боја-плавацрнасивафуксијасивозеленалимонкостенливтемно-синмаслинестпурпуренцрвенсребренаголемибелжолт -големина-ситнималисреденголемогромен
	Please input the anti-spam code that you can read in the image.