 Првиот приватен Европски универзитет - РМ од денеска до сабота за време на одржувањето на Саемот за образование ќе додели 1000 стипендии и тоа 600 за студенти кои ќе се запишат во прва година и 400 за постдипломци. Единствениот критериум е прв дојден - прв услужен.
Првиот приватен Европски универзитет - РМ од денеска до сабота, за време на одржувањето на Саемот за образование ќе додели 1000 стипендии. Средношколците кои сакаат да го продолжат своето образование ја имаат екслузивната можност да добијат стипендија од 500 евра и тоа само ако први се пријават на штандот каде што се претставуваат студиските програми на Европскиот универзитет на Скопскиот саем. Спипендии од 1000 евра ќе бидат доделени и за 400 постдипломци. Отворена е и можноста за он-лајн аплицирање на веб-страницата на Универзитетот. - Ректорската управа, заедно со административната управа на Првиот приватен Европски универзитет - РМ донесоа одлука за доделување на 1000 стипендии за младите идни интелектуалци во Република Македонија. За време на Саемот од денеска до сабота ќе се склучуваат договори со кандидатите кои ќе се запишат на Европскиот универзитет. Ова е концептот за оваа година. Сакаме нашите идни генерации интелектуалци да бидат стимулирани на ваков начин затоа што ако однапред знаат дека ќе се даде било што, може тоа да се злоупотреби, така што нека биде мала тајна за понатаму, вели проф. д-р Бојо Андрески, претседател на Првиот приватен Европски универзитет-РМ. Бидејќи матурантите се уште ги немаат добиено свидетелствата, а допрва ќе треба да ја полагаат и државната матура, единствениот критериум за добивање стипендија е кој прв ќе дојде. Односно, секој што ќе се пријави до планираниот број ќе добие стипендија. Од Европски универзитет велат дека се одлучиле за ваков начин на распределба на стипендиите, за да ги остранат сите сомнежи да не ги обвинат дека прават некаква селекција или некоректни однесувања.
- Оние што ќе се пријават на Саемот кои ќе го потпишат договорот, нивното место е загарантирано со уписот на академската година. Се разбира, ако ја положат државната матура, додава проф. д-р Андрески. Матурантите што ќе аплицираат за упис на Европски универзитет ќе добијат уште една погодност, а тоа е професори од овој Универзитет да ги подготвуваат кандидатите за полагање на државна матура и тоа бесплатно. - Во целосна наша бесплатна режија ќе извршиме целосна подготовка на идните академски граѓани. Тоа значи грижа од почеток до крај. Нашето мото било и ќе биде "Ние се грижиме за вас, ние се грижиме за идните генерации, за нашите студенти", додава претседателот на Европски универзитет. Идејата за доделување на стипендиите потекнува од желбата да се мотивира и да го зголеми бројот на академски граѓани во Македонија. И оваа академска година на Европскиот универзитет - РМ ќе се запишат 600 нови студенти.
|
16-годишна девојка од Прилеп една година се обидува да се самоубие, скокајќи под автобусот од ...
