 Италијанскиот мачор Ораци тежи „само“ 16 килограми, скоро како двегодишно дете, во струкот е поширок од својата газдарица, а поради портокаловото влакно и дебелината го споредуваат со цртаниот мачор Гарфилд.Овој џин е за дури 13 килограми потежок од просечна мачка, а не се знае дали Лаура Сантарели своето дебело галениче го храни со лазањи, што се омилен специјалитет на Гарфилд, или со обична храна за мачки. Но, и покрај импозантната тежина, Ораци од Еупилјо Италија, не е рекордер.
Во 2004 година мачорот Сем од Велика Британија достигна тежина од 16,5 килограми, бидејќи газдарицата го хранела со калорични слатки, колачиња и чипс, а мачорот не се движел. Најтешката мачка, пак, живеела во САД, Минесота и имала 18,5 килограми. Гинисовата книга на рекорди, меѓутоа, ја укина категоријата најдебело домашно галениче, поради страв дека несовесните сопственици своите домашни галеничиња ќе ги „товат“ за да постигнат рекордна тежина. Претераната дебелина е се поголем проблем меѓу луѓето, но и меѓу животните. Во Британија, на пример, предебело е секое трето куче, односно околу два милиони. Дебелите домашни галеничиња имаат здравствени проблеми исто како и дебелите луѓе - срцеви болести, дијабетес и артритис. Сопствениците на животни, за жал, овие здравствени проблеми не ги сфаќаат доволно сериозно.
|
Во Солун, на железничка станица, неодамна е поставен споменик на Александар Македонски. И ов...
