 Поплави и суши со невидени размери. Светот се подготвува за борба против глобалното затоплување. Доаѓа ера на енергетски судири. Македонија нема стратегија. Јагленот, нафтата и гасот се најголемите загадувачи на околината, но и главните причинители за климатските промени.
Дојде време за конкретни акции, порачува Наташа Марковска, доктор по енергетика. Таа е единствената Македонка која е дел од тимот на меѓувладиниот панел за климатски промени во ОН, а кој годинава ја доби Нобеловата награда. Докажаа дека човекот е главниот виновник за климатските промени, а не природните циклуси. „На крајот на овој век ние би имале за 4 степени Целзиусови пораст во глобалните температури во однос на нивото на температурите во 1990 година. Тоа е страшен пораст и влијанијата од тој пораст на глобалните температури ќе бидат несогледливи“, изјави проф. д-р Наташа Марковска, ИЦЕИМ - МАНУ. Каде е Македонија во глобалниот свет? Со социјална цена на струјата не може ништо да се планира, потенцира доктор Марковска. „Со реална цена се обезбедуваат дополнителни средства за производителите да инвестираат во проширувањето на производствените капацитети. Значи, ние сме сведоци дека во последните една декада - две имаме релативно мали, скоро никакви инвестиции во енергетскиот систем“, рече Марковска. Несомнено, Русија и Америка и понатаму ќе ја играат клучната енергетска улога во светот. САД како најмоќна земја и Русија, која својата политичка позиција ја зајакнува со огромните резерви на гас, енергенс кој се смета за најмалку штетен за човековата околина. Европа веќе ги повика земјите членки на Унијата да се подготват за ера на енергетски судири. Светот се подготвува за енергетска војна, а клучни причини се недостиг на струја и континуиран раст на цените не енергијата. Денеска стартуваше и акцијата „Часот на земјата“. Насочена е кон борбата против глобалното затоплување. Мелбурн, Сан Франциско, Даблин и уште други дваесетина големи светски градови на еден час ја исклучија струјата. Европа во блиска иднина ќе се соочи со бран на масовна миграција од земјите разорени од глобалното затоплување.
|
„Мора да знаеме сите, и тоа го потенцираме, дека Македонија нема друга иднина освен целосн...
