 Проекцијата на воено-љубовната приказна „Покајание“ на режисерот Џое Рајт синоќа свечено го отвори 11. Скопски филмски фестивал. Оскаровецот „Покајание“ минатата година го отвори Венецискиот филмски фестивал, а досега освои и дваесетина награди на повеќе филмски фестивали. Скопската публика годинава покрај „Покајание“ во главната програма ќе може да ги види и “Ветувања од исток“, “Лавови за јагниња“, “Девојката пресечена на пола“, “Детектив“, “Вода“, “Сико“ и други врвни филмски остварувања.
Во делот за авторски филмови ќе бидат прикажани “После венчавката“ на Сузан Биер, “Севиџис“ на Тамара Џенкинс, “Ноќна стража“ на Питер Гринвеј, “Дефицит“ на Бернал, “Ти што живееш“ на Рој Андерсон и други.
Ќе бидат прикажани и неколку документарни филмови меѓу кои “Невидливите“, “АРФ“, “Моќ и терор: Ноам Чомски во нашето време“.
Програмата опфаќа и категорија на филмови кои презентираат филм и музика “Sound and fury“ во чии рамки ќе биде прикажан филмот за португалската музика “Фадос“, потоа програма на кратки филмови, Midnight, нова програма која се граничи со хорор филмови и Анима, програмата за анимирани филмови.
Годинава поради административни проблеми постоеше опасност фестивалот воопшто да не се одржи. Главниот проблем беше што одговорните луѓе на фестивалот не се јавиле на конкурсот навреме поради организациски причини.
Годинава за прв пат фестивалот го организира продукцијата „Наше маало“.
|
Пожарот кај местото Коџа Чаир на планината Беласица се уште е активен и е проширен заради си...
