|
 55-годишната Горка Трајкова изгорела во пожарот што ноќеска избувнал во нејзината барака на улицата „Плачковица“ во Радовиш. Трагедијата се случила околу 1 часот по полноќ. Трајкова била сама во куќата. Соседите, кои први го забележале пожарот, веднаш ја известиле противпожарната единица, но поради силината на огнот, чии пламени јазици достигнувале висина и до пет метра, било невозможно да и се помогне. „Ние не можевме да ја извадиме, имаше многу оган и ништо не спасија“, изјави Методиј Јованов, сосед.
Дури откако целосно бил изгаснат пожарот и се разденило, нејзиното безживотно тело било извлечено од остатоците на бараката. „Утрината во 8 часот и 30 минути е извршена обдукција врз телото, утврдено е дека причина за смртта е задушување. Значи, причината е опожарувањето“, рече Ангел Дининов, претседател на Основен суд Радовиш. Од големиот оган настрадала и соседната барака, но повредени нема. Се уште се испитува од што бил предизвикан пожарот, а како можни причинители се посочуваат шпоретот на дрва или електричната инсталација.
|
Тунелот што се наоѓа на регионалниот пат Дебар-Маврово, кај селото Скудриње, од денеска нема ...
