|
НСДП да биде партнер, а не приврзок во Владата на Никола Груевски, побара лидерот на партијата Тито Петковски, на завчерашниот прв Конгрес на Новитесоцијалдемократи. Според него, за успешно функционирање на Владата најсуштествена е довербата меѓу коалициските партнери, која во овој момент е сериозно разнишана.
Тој директно го обвини премиерот Никола Груевски за трансферот на пратеничките Јагнула Куновска и Мирјана Секуловска во редовите на ВМРО-ДПМНЕ. - Во основа соработката функционираше врз база на заемно разбирање, почит и заемен интерес се до познатиот трансфер од редовите на НСДП во ВМРО-ДПМНЕ, што беше некоректен потег, рече Петковски, во своето обраќање. Наводно, тој потоа му се извинил за остриот говор на премиерот Груевски, кој беше гостин на Конгресот на НСДП. "Се надевам не ми се лутиш", му рекол на Груевски, кој седеше до него. - Му одговорив оти не се лутам бидејќи тоа што мисли дека го кажал против нас, всушност го кажува против себеси, изјави Груевски, по говорот на коалициониот партнер. Петковски, пак, негираше дека побарал извинување. - Само му реков на Груевски дека морав да го кажам тоа, му се допаѓало некому или не, бидејќи тоа е реалност, рече претседателот на НСДП. Во своето обраќање пред делегатите, Петковски посочи и на сериозноста на ситуацијата по одлуката на ДПА за напуштање на Владата. Излезот од ваквата ситуација гледа во неколку опции: Владата да се консолидира од постоечките или нови партнери, да се формира ново парламентарно мнозинство со истиот или друг мандатар, па се до техничка Влада или предвремените избори. Лидерот на НСДП, сепак, призна оти не посакува вонредни избори, што според него, би ги закочило европските реформи. Но, остава одлуката да ја донесе премиерот Груевски и ВМРО-ДПМНЕ како партија со најголем број пратеници.
|
Четворица луѓе загинаа кога мал авион се урна денеска околу пладне во близина на селото Скре...
