 Битолската полиција вчера успеа да ги пронајде 21-годишниот Шпети Мемедоски и 14-годишното девојче, и двајцата од пограничното село Меџитлија, кои пред еден месец тајно стапија во вонбрачен живот. Девојчето на 24 февруари исчезна од дома, а семејството Амет си ја бараа својата ќерка назад, која се криеше со заљубеното момче.
„Лицата се пронајдени дома кај родителот на момчето, во куќата во село Меџитлија, а според нивните кажувања, во меѓувреме, значи цело време додека полицијата трагаше по нив, тие се шетале по соседните градови“, изјави Ѓоко Стрезовски, портпарол на СВР Битола. Иако Шпети од полицијата заработи кривична пријава за вонбрачен живот со малолетничка, неговата 14-годишна љубена синоќа повторно побегна кај него дома. Денеска несудените сватови од раскараните семејства Амет и Мемедоски не сакаат да зборуваат пред камери. Таткото и мајката на девојчето беа потиштени, а главата на Мемедовци, Фуат, само кратко рече дека куќата им е отворена ако сакаат да дојдат. За љубовната идила во село Меџитлија сепак на повидок е среќен крај. Љубовта меѓу младите ги победува сите предрасуди на родителите, без оглед на нивната возраст.
|
Четворица луѓе загинаа кога мал авион се урна денеска околу пладне во близина на селото Скре...
