|
Дома
|
|
Откриена тајната за Самоил |
|
 Цар Самоил починал на 70 години од тешка рана во пределот на левата слепоочница, соопштија во четвртокот бугарските научници по реконструкција на черепот на македонскиот владетел од 11 век. „Најверојатно, цар Самоил сакал да се заштити во битка и ги подигнал двете раце нагоре, при што горните екстремитети му биле искршени“, изјави директорот на Институтот за антропологија при бугарската Академија на науките, професор Јордан Јорданов, при претставувањето на реконструираниот череп на македонскиот цар.
Според бугарските научници, Самоил не бил лекуван од тешките повреди, на што укажува дека искршените коски почнале да заздравуваат многу накриво.
Покрај ова, Самоил со сигурност не можел да се храни, бидејќи му била повреден и долниот дел од вилицата, соопшти Јорданов.
Реконструкцијата на черепот на цар Самоил траела околу пет месеци.
Скелетот на македонскиот цар е откриен во саркофаг на јужниот брег на Преспанското езеро во 1969 година, на грчка територија.
Археологот Николаос Муцопулос открил четири саркофага и само едниот од нив не бил ограбен. Черепот и три коски од посмртните останки на цар Самоил грчките археолози им ги предадоа на бугарските научници.
Цар Самоил владеел со големото Самоилово царство кое се протегало на територијата на денешните Република Македонија, Албанија, Србија, Црна Гора, северозападна Грција и северна и западна Бугарија, на преминот од 10 кон 11 век.
Неговите престолнини биле во Охрид и Преспа.
Според досегашните историските сознанија, Самоил (956 г) починал неколку месеци по битката на Беласица, на 26 јули 1014 година, во која неговата војска била поразена од византискиот цар Василиј II.
Во битката биле ослепени 14,000 војници на Самоил, од кои секој стоти бил оставен со едно здраво око за да може да ги води останатите.
|
|
|
|
|
|
|
|
Временска прогноза
| Ohrid: |  | 16°C
1013mb | 
2 km/h |
| | Skopje: |  | 18°C
1012mb | 
8 km/h |
| | Bitola: | | 16°C
1013mb |
2 km/h |
| | Prilep: | | 16°C
1013mb |
2 km/h |
| | Stip: | | 18°C
1012mb |
8 km/h |
| | Gevgelia: | | 19°C
1014mb | 
13 km/h |
|
|
Во Солун, на железничка станица, неодамна е поставен споменик на Александар Македонски. И ов...
