 Поддршка и охрабрувања, да продолжи напредокот, реформите да бидат неповратни. Ова денеска го доби премиерот Груевски во Брисел и од НАТО и од ЕУ.
За Шефер, Македонија нема влезница, стара позната реторика на Шефер применета и за Хрватска. „Сега многу е важно да се задржи темпото и да се забрза процесот,нема опасност да се постигне максимална брзина за реформите да станат неповратни. Важно е да постои вистинска политичка култура на начин на кој политичките партии, владата и институциите да бидат поврзани меѓу себе“, изјави Јап де Хоп Шефер, генерален секретар на НАТО. Најголемото стравување на македонските политичари е името, ветото на Грција за членство во НАТО. Шефер ја отфрла улогата на Алијансата. „НАТО не бара улога во спорот за името, НАТО го охрабрува процесот воден од амбасадорот Нимиц. Ние сме заинтересирани и тоа го разговаравме, ние сега инсистираме на реформите“, додаде Шефер. Груевски останува загрижен, тој вели, името е потенцијален ризик за Македонија. „Охрабрени сме да продолжиме да работиме на решавањето на проблемите и имплементацијата на реформите и секако најверојатно главното прашање што го спомнаа многу амбасадори како ризик, е прашањето кое треба да се реши, а тоа е прашањето за името со Грција. Многумина рекоа дека треба да се интензивираат преговорите“, вели Никола Груевски. За Оли Рен, патот за добивање датум за преговори води преку словенечкото претседателство. „Му нагласив на Премиерот дека, доколку продолжи овој позитивен прогрес, тогаш мојата намера е да предложам за време на претседателството на Словенија сет од тестови кои треба да се исполнат за почнување на преговорите за прием. Овие тестови, на ниво на клучни приоритети кои се идентификувани во нашиот последен извештај за напредокот од ноември 2007-ма, тие најмногу се однесуваат на реформите во судството и јавната администрација, мислам дека тоа е изводливо, знаејќи ја брзината со која се спроведуваат реформските процеси во земјата“, рече еврокомесарот Оли Рен. „Премиерот ќе добие важен документ, ќе му биде дадена на почетокот на март, ќе видиме како ќе се одвиваат работите после тоа, но со задоволство можам да кажам дека процесот на реформите продолжува, работите ќе изгледаат многу позитивно“, изјави Хавиер Солана, еврокомесар. Сега се е во рацете на македонските политички елити, нивната политичка култура води кон реформи и напредок, останува единствено заканата на Грција, за блокирање на Македонија во ЕУ и НАТО и енигма, дали Грција ќе се повлече во име на стабилност на регионот.
|
Четворица луѓе загинаа кога мал авион се урна денеска околу пладне во близина на селото Скре...
