|
Монструозниот убиец од Дизелдорф слободно се шета низ Македонија. МВР не ја бара Шефие Јакупи, чекале официјална информација од германската полиција дека е осомничена за убиството на нејзиниот сопруг Абаз Јакупи.
До пред три дена Шефие била во Кичево, оттогаш никој не ја видел. Ја побаравме во најзиното родно село кичевско Челиковце. Шефие Јакупи не се крие во родното село Челиковце, тврдат нејзините соселани, но претпоставуваат дека можеби се засолнила во демирхисарското село Слепче или пак во Кичево, кадешто имала роднини. Не ги најдовме ниту нејзините браќа, селаните веќе знаеја за грозоморното убиство. „Ја знаеме жената, ама не знаеме каде е“, изјави жител на с. Челиковце. Во родното село на убиениот Абаз Јакупи Горно Страгомиште шок, жал и згрозеност. Селаните не можат да поверуваат што му се случило на еден толку мирен и тивок човек. Убиен е на свиреп начин од неговата сопруга Шефие Јакупи. За страшната вест дознале вчера од медиумите. „Се чудевме, ништо не сакам да комплицирам, но зошто да се случи тоа“, изјави Бајрам Јакупи, роднина на убиениот. Абас Јакупи израснал во куќа во кичевското село Страгомиште, често доаѓал во родниот крај, а имал куќа и во Кичево. Селаните слушале и за честите расправии меѓу двајцата сопружници, но велат дека ова што го снајде Јакупи, ни на сон не можеле да го замислат. „Жената не чинеше, летото имале проблеми овде во Кичево, го удрила со чекан, го тепала“, рече Шефки Османи, жител на с. Горно Страгомишта. „Не можеш туку така да заколеш човек, ние сите бараме да се види како е и што било работата“, вели Зендило Емро, жител на с. Горно Страгомишта. Абаз Јакупи на 18 декември бил искасапен на делови, кои потоа биле фрлени во контејнер и во тоалетот. Никогаш не се пожалил на насилството од својата сопруга, велел и покрај се таа ми е жена. Последниот обид за убиство на Шефие и бил успешен, на 18 декември го искасапила на делови кои го фрлила во контејнер и во тоалетот. Од Шефие ни трага ни глас, на слобода е.
|
Четворица луѓе загинаа кога мал авион се урна денеска околу пладне во близина на селото Скре...
