 Mercedes веќе има еден суперспортски модел во својата гама, меѓутоа неговата екстремно висока цена не носи многу профит на компанијата. Mercedes SLR McLaren е поредок дури и од некои ексклузивни италијански модели.
Затоа во текот на 2009 година, Mercedes ќе лансира нов модел со средишно сместен мотор и погон назад. Нема да биде лишен од суперспортските перформанси, но и нема да се користат скапите материјали како карбон-фибер и керамички кочни дискови. Многу е извесно дека во развојот на овој модел нема да учествува McLaren, туку Mercedes самостојно ќе го развива моделот.
Вратите треба да се отвораат нагоре, исто како во поскапиот брат. Моторот ќе биде 6.2 литарски V8. Има некои најави дека силата ќе биде 700 КС. Но, толку јак погон и ниска цена едноставно не се можни, нели? Првиот прототип ќе го видиме на салонот во Женева идната година. Фотографијата погоре е само една претпоставка како може да изгледа. Цената на конечниот модел ќе биде околу 150.000 евра. Иако на прв поглед изгледа скапо, сепак тоа е сума значително пониска од Mercedes SLR McLaren.
|
Четворица луѓе загинаа кога мал авион се урна денеска околу пладне во близина на селото Скре...
