|
Научниците веќе знаат дека во целина, жените од сите возрасти се позагрижени и имаат поинтензивни грижи од мажите. Жените, исто така, имаат тенденција да гледаат поголем ризик во ситуациите и повеќе се вознемируваат од мажите.
Сега, се знае и зошто. Според две нови студии, жените, повеќе од мажите, веруваат дека настаните и искуствата од минатото, точно ја предвидуваат иднината. Со истражувањето, во кое биле вклучени деца од 3 до 6 години и возрасни од двата пола, се испитувал степенот до кој одело размислувањето на испитаниците дека грижата може да биде предизвикана од мислењето дека лошиот настан од минатото би можел повторно да се случи во иднината. (Оваа вештина, во наједноставната форма, е критична за разбирањето на општеството, важна е во донесувањето одлуки и проценувањето на ризикот.) Во првата студија, испитаниците слушале шест приказни во кои личностите биле повредени од некого. Неколку дена подоцна, личностите во приказната биле загрижени или го менувале своето однесување при средба со лошиот. Втората студија била иста, само што сега личноста од приказната се среќава со некој што е сличен на оној што ја повредил во минатото. Жените, било девојчиња или возрасни, го објаснувале однесувањето и реакциите на ликот од приказните како несигурни. Поточно, тие објаснувале земајќи предвид повеќе што можело да се случи, отколку што се случило. Исто така, за разлика од мажите, тие претпоставувале дека личноста ќе се чувствува загрижено при средба со личност слична на лошиот, затоа што мислеле дека би можел да ги повреди. Студиите покажале дека, како што растат, децата се повеќе прават вакви релации минато-иднина, што е производ на нивниот когнитивен развој. „Овие резултати се значајни бидејќи откриваат дека умешноста за ваквото размислување минато-иднина, се развива за време на претшколската возраст,“ изјавила авторката на студијата Кристин Лагатута од Универзитетот во Калифорнија.
|
Четворица луѓе загинаа кога мал авион се урна денеска околу пладне во близина на селото Скре...
