 ДУИ ќе биде партнерот на ВМРО-ДПМНЕ од албанскиот политички блок во новата коалициона Влада. Помеѓу останатото, некои од најважните причини за коалицирањето се убедливата предност во број на партеници пред ДПА, која, овојпат е толкава што тешко може да се игнорира, како и се уште свежите разочарувања во ВМРО од двете напуштања, па потоа враќања во Владата кои Мендух Тачи ги направи за неколкуте последни месеци.
Најпосле, според извешатие на ОБСЕ/ОДИХР во изборните полнења кутии доминирале припадници на ДПА што за Груевски, пред предизвиците околу преговорите за НАТО и ЕУ, е факт преку кој не може да се игнорира овој став на набљудувачите, и ставовите на САД и ЕУ кои, потоа, се градени врз нивните извештаи. Мандатарот Никола Груевски и лидерот и ДУИ, во петокот доцна вечерта, постигнаа договор за начинот на кој ќе функционира Владата и за поделба на ресорите, а договорот потоа беше верификуван од највисоките партиски тела. Партијата на Ахмети ќе раководи со пет министерства, едно вицепремиерско место за спроведување на Рамковниот договор, три места заменик-министер, како и потпретседателското место во Собранието. ДУИ ги доби ресорите: економија, здравство, екологија, труд и социјална политика и локална самоуправа, а ќе има заменици во МВР и министерствата за одбрана и за финансии. Претседателството на ДУИ во саботата одлучуваше за имињата на новите министри. Се споменуваат неколку варијанти. Министер за економија речиси извесно е дека ќе биде Неџат Јакупи, со ресорот здравство ќе раководи Бујар Османи, со труд и социјална политика Џелал Бајрами, со екологија Неџати Јакупи, прв човек на ресорот локална самоуправа ќе биде Муса Џафери, Абдулаким Адеми ќе биде вицепремиер за спроведување на Рамковниот договор, а за заменици-министри се споменуваат, Насер Бучи за МВР, Гзим Острени и Талат Џафери за одбрана. ВМРО-ДПМНЕ и во новата Влада ќе раководи со МВР, МНР, министерствата за одбрана, за финансии, транспорт и врски, правда, земјоделие, култура и за образование, како и вицепремиерите за евроинтеграции и економски прашања. За министри за култура и за образование се споменуваат имињата на досегашните државни секретари, Елизабета Канческа-Милеска и Перо Стојановски. ВМРО-ДПМНЕ и ДУИ се договорија да се формира и министерство за информатичко општество со кое ќе раководи досегашниот министер без ресор Иво Ивановски. Оваа Влада на коалицијата предводена од ВМРО-ДПМНЕ и ДУИ во Собранието обезбеди Бадинтерово мнозинство, а со 81 пратеник и двотретинско мнозинство.
|
16-годишна девојка од Прилеп една година се обидува да се самоубие, скокајќи под автобусот од ...
