Во текот на својот животен век жените во просек препеглуваат 346 километри материјал, а мажите нешто повеќе од 117, покажаа статистичките податоци. Тоа е еквивалент на должината на шест маратони, односно два дена пеглање годишно. Студијата опфатила 3.500 возрасни, од кои 45% мажи ја „прескокнувале“ оваа работа надевајќи се дека некој друг ќе го направи тоа. Една четвртина признале дека облеката се уште им ја пеглаат мајките. Анкетата покажала дека луѓето во просек пеглаат 20 парчиња облека неделно, вклучувајќи два пара панталони, 15 маици и долна облека.

Забраната за хранење на гулаби на повеќето плоштади во Венеција, воведена уште во 1997 година, од денеска стапи на сила и на најпознатиот плоштад Свети Марко. Градските власти предвидоа строги казни за кршителите на забраната. Секој што ќе ги храни гулабите или ќе остави храна на достапно место ќе мора да плати казна од 25 до 500 евра. Истовремено од плоштадот Свети Марко ќе бидат отстранети тезгите на кои досега се продаваше пченка за гулабите.

Американецот Хенк Милер најверојатно им реши голем проблем на родителите ширум светот. Тој изумил детски чевли што го следат растежот на стапалата. Користејќи релативно евтина технологија, тој конструирал чевли што со едноставно притискање на копче можат да се развлечат за три броја. Тестирањата во лабораторија покажаа дека чевлите се доволно цврсти и не можат случајно да „пораснат“.