Автономната данска област Гренланд се стреми кон создавање на статус на независна држава. Овој став е централна тема на локалната гренландска Комисија за локална самоуправа, која објави проект за нов договор меѓу официјален Копенхаген и Гренланд, што кон средината на април треба да биде разгледан од двата Парламенти. Во овој документ за прв пат се содржани правата на локалното население на Гренланд над природните ресурси на нивниот остров.

Портпаролот на грчкото МНР објави дека Грција жали но, во моментов не може да дозволи Македонија да добие покана за НАТО. Остануваат само минимални шанси во следниве 24 часа да се дојде до некое решение, кое што ќе биде прифатливо за двете страни.

Според Кумуцакос, кога две земји, едната аспирант за членство во НАТО, а другата членка на Алијансата имаат проблем како овој проблем со името, едната членка не може да дозволи аспирантот да го постигне тоа што го сака.

Според Кумуцакос, Алијансата не е само група држави коишто се влезени во заеднички политички сојуз, туку земјите членки делат и заеднички вредности. Во случајов според Кумуцакос, Македонија ги нарушува добро соседските односи со Грција и се уште не заслужува да стане членка на Алијансата.

Вето за прием на Македонија во НАТО, ова го јавија речиси сите медиуми во Атина, прекинувајќи ја својата програма, за да го чујат извештајот од Букурешт. Проширувањето може продолжи доколку се најде решение во иднина за спорот, но засега во Атина нема информација, каков би бил завршниот документ од Букурешт. Се очекува, велат новинарите на телевизија „Алфа“, Дора Бакојани да излезе пред новинарите и да објасни. Впрочем пред да замине во Букурешт, таа изјави дека ветото не е цел туку оружје на грчката дипломатија, кое се користи со голема внимателност кога има потреба да се заштитат грчките позиции и да се постигнат целите долгорочно.

Македонија најмногу заслужува да се најде меѓу членките на НАТО, меѓу кандидатите за приклучување во Алијансата, но тешко дека тоа ќе се случи овој пат поради нерешениот спор што таа го има со Грција околу името, пишува британскиот весник „Фајненшл тајмс“. Лондонскиот весник вели дека Македонија е неопходно да биде примена во Северноатлантската алијанса, затоа што станува збор за државата чиј интегритет е најмногу загрозен од сите во регионот. Со прогласувањето на косовската независност, додава весникот, за Македонија НАТО е најнеопходно, за да може да ја зачува и обезбеди стабилноста.

Пред една деценија Балканот беше разурнат од војни, фанатизам и етничко чистење. Сега е регион што расте во слобода, толеранција и мир. Тоа е резултат на решителните мерки на НАТО и храбрите одлуки на балканските лидери, кои настојуваа да го победат насилството и разединувањата од минатото, рече Буш на отворањето на самитот. Во говорот американскиот Претседател нагласи дека НАТО во Букурешт ќе усвои историска одлука за членство на трите балкански држави - Македонија, Албанија и Хрватска.