Скусување на времето за исплата на боледувањето, побрзо враќање на парите на осигурениците за лекови и медицински помагала. Ова е само дел од поволностите што од денеска ги нуди Фондот за здравствено осигурување со информатичко поврзување со сите 30 подрачни единици низ земјава. За оваа цел набавени се над 400 компјутери, сервери и друга опрема.

Прв пат по неколку години насилство, илјадници христијански верници и туристи, како и локални Палестинци, минатата ноќ се собраа да го прослават Божиќ во Витлеем, на Западниот брег, родното место на Исус Христос. Многумина велат дека собирањето го поттикна новото чувство на безбедност поради обновувањето на мировните напори меѓу Израелците и Палестинците.