Европската унија ќе ја казни Македонија за изборното насилство и нема да и даде датум за почеток на преговорите. Ова се вели во нацрт-декларацијата што денеска треба да го одобрат лидерите на ЕУ на Самитот што се одржува во петокот, јави агенцијата Асошиејтед прес (АП).

Првичното нацрт-соопштение на европските лидери посочуваше дека Унијата се радува што Македонија ќе започне преговори до крај на годината. Но, новата нацрт верзија, што му е достапно на АП, вели дека Унијата сега, посочува оти се уште се можни идни чекори на Македонија кон евроинтеграциите, во 2008 година.

Во нацрт декларацијата за Македонија, како што јави агенцијата Ројтерс, се наведува дека одржувањето добрососедски односи, вклучувајќи и преговори и заемно прифатливо решение за името, е од голема важност.